讲到呢排最hit嘅电视剧

一定就係《婚后事》啦

唔知大家有冇追住睇咧

第一集，在“潘善仁”的眼中

我哋睇到歇斯底里嘅“张明芯”

强烈要求离婚

对一切都好不满

係一个咆哮嘅恶人

因为过人嘅演技

令观众隔住屏幕都能够感受到

“张明芯”咬牙切齿嘅愤怒

首次担纲大女主嘅陈自瑶

一登场就被大家封为

“御用癫婆2.0”

第二集

我哋跟住“张明芯”

去到咗佢嘅世界

对表面唯唯诺诺“潘善仁”

佢永远睇唔顺眼

因为佢觉得呢个人

表里不一

口口声声话要忘记过去

重新开始

但暗地里藕断丝连

甚至用小说记录一切

观众开始慢慢理解

呢个歇斯底里到疯狂嘅人

点解要坚持离婚

第三集嘅角度

去到“第三者”甘诚钧身上

佢默默守护自己心爱嘅人

表面风流倜傥

被大家封为“全剧唯一好男人”

寻晚电视剧更新到第四集

从囡囡“潘悦”视觉出发

睇到观众流晒眼泪

剧中嘅小演员

将对爸爸妈咪嘅爱

演绎得好到位

睇到大家好肉紧

ending改为童声演唱嘅

《阿拉斯加海湾》

“上天啊，难道你看不出我很爱她

怎么明明相爱的两个人，

你要拆散他们啊～”

真係好催泪

▓▓▓▓▓▓▓▓▓▓▓░░░░努力加载中……

寻日 2月29日(农历正月二十)

係四年一遇嘅日子

相信大家都好想知道

《婚后事》里面嘅小秘密

“张明芯”Yoyo

不畏天雨路滑、天寒地冻

担遮都嚟广州同可乐君约会啦

我哋一起行街打卡

边玩手作边倾密计

可乐君get到咗好多

佢哋拍剧以外嘅“花边新闻”

Yoyo话自己首次担正

一开始紧张到瞓唔着

后来适应咗

就变得越来越自然

同罗子溢再次合作

佢哋互相feel到对方嘅成长

因为大家都係处女座

默契好到一个眼神就明晒

而喺剧中饰演佢哋囡囡嘅小朋友

喺剧集杀青分开之后

依然都同佢keep住联系

Yoyo话，私底下佢都会同

呢个“囡囡”继续date

仲会带埋自己囡囡同佢一起玩添

除咗拍电视剧嘅工作

旧年Yoyo仲开始做主播

呢个身份对佢嚟讲

就係一个全新嘅开始

剧中愤怒、凶狠嘅“张明芯”

戏外係善良、识关心人的陈自瑶

大家更想了解边个多啲

关注我哋你就可以见到

唔一样嘅佢啦

来源：可乐生活Color微信公众号

编辑：张子殷

审核：曾敏妍

签发：骆苹